08 جون ، 2022 
پاکستان اور ویسٹ انڈیز کے درمیان پہلا ون ڈے آج ملتان میں کھیلا جائے گا
08 جون ، 2022
پاکستان اور ویسٹ انڈیز کے درمیان 3 میچز پر مشتمل ون ڈے سیریز کا پہلا ایک روزہ میچ آج ملتان میں کھیلا جائے گا۔
دونوں ٹیموں نےگزشتہ روز آخری تیاریوں کے طور پر پریکٹس کی جبکہ ایونٹ کی ٹرافی کی رونمائی بھی ہوئی۔
اس موقع پر پاکستانی کپتان بابر اعظم کا کہنا تھا کہ موسم سے زیادہ فرق نہیں پڑے گا، اچھی کرکٹ کھیلیں گے۔دوسری جانب مہمان ٹیم کے کپتان نکولس پورن نے بھی عمدہ کرکٹ کھیلنے کے عزم کا اظہار کیا۔
واضح رہے کہ 14 برس بعد ملتان میں کھیلی جانے والی سیریز کیلئے انتظامات مکمل نہیں ہیں ،شائقین کرکٹ گراؤنڈ میں ڈیجیٹل باؤنڈری کی رنگینیاں نہیں دیکھ سکیں گے جبکہ اسپائیڈر کیمرے سے کوریج بھی نہیں ہوگی۔
اس کے علاوہ بال موومنٹ کےساتھ بھاگتا ہوا جدید ڈیجیٹل بگی کیمرہ بھی اس سیریز میں استعمال نہیں ہوگا جبکہ الٹرا سلو موشن بھی دیکھنے کو نہیں ملے گا۔
یاد رہے کہ میچ پاکستانی وقت کے مطابق شام 4 بجے شروع ہوگا۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
