خواہش ہے شادی کے فوری بعد حج پر جاؤں: صبا قمر

اداکارہ صبا قمر کا کہنا ہے کہ وہ شادی کے بعد سب سے پہلے حج پر جانا چاہتی ہیں۔

حال ہی میں صبا قمر نے اپنی فلم 'گھبرانا نہیں ہے' اور 'کملی' کی تشہیر کے دوران اپنی شادی کے بارے میں کئی بار گفتگو کی جس سے صارفین نے اس خیال کا اظہار کیا کہ ہوسکتا ہے اداکارہ جلد شادی کے بندھن میں بندھ جائیں۔

اب ان کے انٹرویو کا ایک کلپ سوشل میڈیا پر زیرِ گردش ہے جس میں انہوں نے شادی کے بعد اپنی پہلی خواہش کا تذکرہ کیا۔

دعا ہے اللہ عامر لیاقت کو صبر اور ہدایت دے: صبا قمر

حال ہی میں صبا قمر نے ایک ویب چینل کو انٹرویو دیا جس میں ان سے عامر لیاقت کے حوالے سے پوچھا گیا۔

میزبان کی جانب سے پوچھے جانے والے سوال پر صبا نے کہا کہ 'میں بالکل شادی کروں گی، پھر حج بھی کروں گی اور خوش رہوں گی'۔

اداکارہ نے کہا کہ ’میری خواہش ہے کہ ہنی مون سے پہلے اپنے خاوند کے ساتھ حج کرنے جاؤں۔‘

یاد رہے کہ صبا قمر نے اپنے ایک انٹرویو کے دوران کہا تھا کہ وہ محبت کرتی ہیں لیکن اپنی چیزوں کو اپنے تک ہی رکھنا چاہتی ہیں کیونکہ ایک بار شادی کے اعلان کے بعد چیزیں ویسے نہیں ہوتیں جیسے سوچا ہوتا ہے۔