10 جون ، 2022 
پاکستان
وزیر خارجہ سے ایک مکمل بے بنیاد اورخیالی بات منسوب کی جارہی ہے، ترجمان دفترخارجہ— فوٹو:فائل
دفترخارجہ نے سلامتی کونسل میں بھارت کی مستقل رکنیت کی حمایت کی افواہیں مسترد کردیں
10 جون ، 2022
دفترخارجہ نے بھارت کی سلامتی کونسل میں مستقل رکنیت کے حوالے سے پاکستان کی حمایت کی افواہوں کو مسترد کردیا۔
ترجمان دفترخارجہ کے مطابق وزیر خارجہ سے ایک مکمل بے بنیاد اورخیالی بات منسوب کی جارہی ہے، وزیرخارجہ اور امریکی سیکرٹری اسٹیٹ کے درمیان بھارت کی رکنیت کے حوالے سے کوئی بات نہیں ہوئی۔
ان کا کہنا تھاکہ پاکستان کا سلامتی کونسل کے مستقل ارکان کی تعداد میں اضافے کی بھرپور مخالفت پر واضح مؤقف ہے، اس حوالے سے پالیسی میں کوئی تبدیلی نہیں آئی۔
دفتر خارجہ کا کہنا تھاکہ پاکستان ایسی سلامتی کونسل کا خواہاں ہے جو چند کے بجائے اکثریتی ریاستوں کے مفادات کا تحفظ کرے۔
