11 جون ، 2022 
پنجاب کا بھی وفاقی طرز کا بجٹ پیش کرنے کا اعلان
11 جون ، 2022
محکمہ خزانہ پنجاب نے آئندہ مالی سال کے بجٹ کی تاریخ کا اعلان کر دیا ہے۔
محکمہ خزانہ پنجاب کے مطابق آئندہ مالی سال کا بجٹ 13 جون کو پیش کیا جائے گا، پنجاب کا بجٹ وفاقی طرز کا ہو گا۔
ترجمان محکمہ خزانہ نے بتایا کہ بجٹ میں مہنگائی پرکنٹرول کے لیےخصوصی امدادی پیکج ہوگا، اشیائے خورونوش کی قیمتیں کنٹرول کی جائیں گی اور لوڈشیڈنگ میں کمی کے لیے توانائی کے مؤثر استعمال کو یقینی بنایا جائے گا۔
محکمہ خزانہ پنجاب کے ترجمان کے مطابق بجٹ میں کم وسیلہ افراد کو بجلی کے بلوں کی ادائیگی میں رعایت دی جائے گی اور کوئی نیا ٹیکس نہیں لگایا جائے گا۔
محکمہ خزانہ کا بتانا ہے کہ صوبائی محصولات میں رعایت برقرار رکھی جائے گی اور آٹےکی قیمت پر سہولت پیکج بھی جاری رکھا جائے گا، حکومت کی اولین ترجیح سماجی شعبے کی ترقی اور معیشت کی بحالی ہو گی۔
ترجمان کا کہنا ہے کہ پنجاب کا آئندہ مالی سال کا بجٹ متوازن اور عوام دوست ہوگا، بجٹ سرکاری ملازمین اور دیہاڑی دار طبقے کے لیےخوشخبری لائےگا۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
9 گھنٹے پہلے
کیا پیراتھائرائیڈکا علاج پاکستان میں ممکن ہے؟
11 گھنٹے پہلے
