ویڈیو: والد کے سوئم پر احمد عامر نے لوگوں سے کیا کہا؟

سابق رکن قومی اسمبلی اور  ٹی وی میزبان عامر  لیاقت حسین کے بیٹے احمد عامر نے والد کی مغفرت کے لیے دعاؤں کی اپیل کی ہے۔

12 جون بروز اتوار کو عامر لیاقت حسین کا سوئم ہوا جس میں ان کی سابقہ اہلیہ بشریٰ اقبال، ان کے بچوں دعا عامر اور احمد عامر سمیت قریبی دوستوں اور  اہل علاقہ نے شرکت کی۔

احمد عامر کی سوئم سے ایک ویڈیو سامنے آئی ہے جس میں وہ اپنے والد کے لیے دعا کرنے کا کہہ رہے ہیں۔

شادی کے بعد بھی خود کو محفوظ نہ سمجھ سکیں تو ایسے نکاح کا کیا فائدہ: سونیا حسین

عامر لیاقت کے معاملے میں پہلی بار دیکھا کہ شادی کے بعد بھی ذاتی لمحات سوشل میڈیا پر شیئر کیے جا سکتے ہیں، سونیا حسین

احمد عامر نے کہا کہ 'آپ سب کا یہاں آنےکا بہت بہت شکریہ، آپ سب ان کے لیے دعا کیجیے، اللہ انہیں جنت الفردوس میں اعلیٰ مقام عطا فرمائے، اللہ آپ سب کو جزائے خیر دے'۔

واضح رہے کہ عامر  لیاقت حسین کا انتقال 9 جون کو ہوا جس کے بعد لندن میں مقیم ان کے بیٹے احمد عامر فوری طور پر پاکستان پہنچے تھے اور 10 جون کو عامر لیاقت کی نماز جنازہ بھی بیٹے احمد نے ہی پڑھائی تھی۔