13 جون ، 2022 
سدھو موسے والا کا قاتل گرفتار
13 جون ، 2022
بھارت کے آنجہانی گلوکار سدھو موسے والا کے قاتل کو گرفتار کر لیا گیا۔
بھارتی میڈیا رپورٹس میں دعویٰ کیا گیا ہے کہ پونے پولیس نے پنجابی گلوکار سدھو موسے والا قتل کیس میں نامزد شوٹر 23 سالہ سنتوش جادھو کو گرفتار کیا ہے۔
پولیس ترجمان کے مطابق سنتوش جادھو نے شناخت پوشیدہ رکھنے کے لیے اپنا سر منڈھوا لیا تھا لیکن پولیس نے کارروائی کرتے ہوئے اسے گرفتار کر لیا۔
مقامی پولیس کے مطابق شوٹر سنتوش جادھو لورنس بشنوئی گینگ کا ایک کارندہ ہے جسے اس سے قبل 2021 میں بھی ایک قتل کے مقدمے میں گرفتار کیا گیا تھا۔
بھارتی میڈیا کے مطابق پونے پولیس کی جانب سے تاحال مزید معلومات شیئر نہ کرنے کا فیصلہ کیا گیا ہے۔
خیال رہے کہ سدھو موسے والا کو 29 مئی کو ضلع مانسا کے گاؤں جواہر میں نامعلوم حملہ آوروں نے فائرنگ کر کے قتل کر دیا تھا، اس واقعے میں سدھو کی گاڑی پر 30 گولیاں برسائی گئی تھیں جس کے نتیجے میں سدھو موسے والا موقع پر ہی ہلاک ہو گئے تھے جب کہ ان کی گاڑی میں موجود دو افراد شدید زخمی ہوئے تھے۔
مزید خبریں :
سدھو موسے والا کے والدین نے اپنے چھوٹے بیٹے کا چہرا دکھا دیا
08 نومبر ، 2024
وہ کریں جو آپ کی بیگم کہتی ہے: فلک شبیر کا شوہروں کو مشورہ
08 نومبر ، 2024
ارجن سے رشتہ ختم ہونے کے بعد ملائیکہ کی انسٹاگرام اسٹوری وائرل
08 نومبر ، 2024
سلمان کے بعد شاہ رخ خان کو بھی جان سے مارنےکی دھمکی
07 نومبر ، 2024
