کھیل
14 جون ، 2022

یو ایس اوپن: روس اور بیلاروس کے کھلاڑیوں کو ٹورنامنٹ میں شرکت کی مشروط اجازت دی جائے گی

روس اور بیلاروس کے کھلاڑیوں کو جلد ٹینس کے سب سے مقبول ٹورنامنٹ میں سے ایک یو ایس اوپن  میں حصہ لینے کی اجازت دی جائے گی۔—فوٹو: فائل
روس اور بیلاروس کے کھلاڑیوں کو جلد ٹینس کے سب سے مقبول ٹورنامنٹ میں سے ایک 'یو ایس اوپن ' میں حصہ لینے کی اجازت دی جائے گی۔—فوٹو: فائل

روس اور بیلاروس کے کھلاڑیوں کو جلد  ٹینس کے  سب سے مقبول ٹورنامنٹ میں سے ایک 'یو ایس اوپن ' میں حصہ لینے کی مشروط اجازت  دی جائے گی۔

غیر ملکی خبررساں ایجنسی کے مطابق یو ایس ٹینس ایسوسی ایشن(یو ایس ٹی اے) نے منگل کو اعلان کیا ہے کہ روس اور بیلاروس کے کھلاڑیوں کو 2022 کے یو ایس اوپن اپنے قومی پرچم کے ساتھ شرکت کی اجازت نہیں تاہم  انہیں اپنی ٹیم یا بورڈ کے جھنڈے کے ساتھ ٹورنامنٹ میں شرکت  کی اجازت دی جائے گی۔

یو ایس ٹینس ایسوسی ایشن کے سی ای او اور ایگزیکٹو ڈائریکٹر لیو شیر نے منگل کو امریکی خبررساں ایجنسی کو  ایک ٹیلی فونک انٹرویو میں کہا کہ یو ایس ٹی اے بورڈ کی جانب سے روسی اور بیلاروسی کھلاڑیوں کو ٹورنامنٹ میں شرکت کرنے کی اجازت کا فیصلہ اس شرط پر کیا گیا ہے کہ وہ اپنے قومی پرچم کے علاوہ کسی اور نیوٹرل جھنڈے کے ساتھ ٹورنامنٹ میں حصہ لیں گے۔

واضح رہے کہ جب سے روس نے فروری میں یوکرین پر اپنے حملے شروع کیے ہیں، روسی ایتھلیٹس کو فٹ بال ورلڈ کپ کوالیفائنگ کے پلے آف سمیت کئی کھیلوں میں حصہ لینے سے روک دیا گیا ہے۔

 اس سے قبل روس کی جانب سے یوکرین پر حملے کو بنیاد بناکر روسی اور بیلاروسی ٹینس کھلاڑیوں پر گرینڈ سلم ٹورنامنٹ ومبلڈن کے دروازے بند کردیے گئے تھے۔

خیال رہے کہ یو ایس اوپن 29 اگست سے امریکی شہر نیویارک میں شروع ہوگا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM