عازمین حج کی سہولت کیلئے قربانی کے 50 ہزار بکرے جدہ پہنچ گئے

سعودی عرب میں عازمین حج کی سہولت کیلئے قربانی کے 50 ہزار بکرے جدہ بندرگاہ پہنچا دیے گئے۔

سعودی میڈیا کے مطابق قربانی کے لیے مختص بکروں کی کھیپ افریقا سے جدہ پہنچی ہے۔

سعودی میڈیا کا کہنا ہے کہ قربانی پروجیکٹ نے اس سال قربانی کی قیمت 809 ریال( تقریباً 45 ہزار روپے سے زائد) مقرر کی ہے۔

واضح رہے کہ  گزشتہ دنوں سعودی عرب نے اس سال منیٰ میں عازمین حج کیلئے مسجدالخِیف کھولنے کا بھی فیصلہ کیا تھا۔

مکہ مکرمہ:سعودی حکومت کا عازمین حج کیلئے مسجد الخِیف کھولنے کا فیصلہ

کورونا وبا اور محدود حج کے باعث مسجدالخِیف دو سال سےنہیں کھولی گئی تھی۔

رپورٹس کے مطابق کورونا وبا اور محدود حج کے باعث مسجدالخِیف دو سال سےنہیں کھولی گئی تھی۔

وزارت اسلامی امورکمیٹی کے مطابق رواں سال 8، 10، 11، 12 اور13 ذی الحج کو حجاج مسجد الخِیف میں نماز ادا کر سکیں گے۔