20 جون ، 2022 
T20 بلائنڈ کرکٹ ورلڈکپ: کیا قومی ٹیم بھارت جائے گی؟
20 جون ، 2022
لاہور:بھارت میں رواں برس ہونے والے ٹی ٹوئنٹی بلائنڈ ورلڈکپ کے لیے پاکستانی ٹیم کی شرکت این سی او سی سے مشروط ہے۔
بلائنڈ کرکٹ کونسل کے چیئرمین سلطان شاہ کا کہنا ہے کہ بھارت میں ہونے والے ورلڈکپ کے لیے حکومتی این او سی درکار ہے جس کے لیے پاکستان بلائنڈ کرکٹ کونسل نے حکومت سے رابطہ کیا ہے۔
چیئرمین بلائنڈ کرکٹ کونسل کے مطابق این او سی ملنے کے بعد ایونٹ میں شرکت کی تصدیق کریں گے تاہم ٹی ٹوئنٹی ورلڈکپ کے لیے ابھی سے ایک اچھی ٹیم بنانے کی تیاری شروع کردی ہے۔
انہوں نے بتایا کہ ٹی ٹوئنٹی بلائنڈ کرکٹ ورلڈکپ 4 سے 17 دسمبر تک بھارت میں شیڈول ہے جو بھارت کے مختلف شہروں میں کھیلا جائے گا۔
سلطان شاہ کا مزید کہنا تھا کہ جتنی جلد این اوسی ملے گا اتنی جلد تمام انتظامات مکمل کر سکیں گے۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
