مستقبل کے سسر اور داماد کے درمیان اسنوکر مقابلہ ، ویڈیو وائرل

سابق کپتان شاہد آفریدی اور ان کے ہونے والے داماد کرکٹر شاہین شاہ آفریدی کی اسنوکر کھیلتے ویڈیو وائرل ہوگئی ۔

اس ویڈیو کو شاہین شاہ آفریدی  نے ٹوئٹر پر شیئر کیا جس میں وہ ہونے والے سسر شاہد آفریدی کے ساتھ اسنوکر کھیلنے میں مگن ہیں۔

چند سیکنڈز کی ویڈیو شیئر کرتے ہوئے شاہین نے شاہد آفریدی کو ٹیگ کرتے ہوئے ٹوئٹ کی کہ ’فیملی فن ٹائم‘۔

یاد رہے کہ اس سے قبل بھی شاہد اور شاہین کی کرکٹ کی  ایک ویڈیو وائرل ہوئی تھی جس میں شاہین کے شاہد آفریدی کو بولڈ کرنے پر ان کی بیٹیوں کے تاثرات نے سوشل میڈیا صارفین کے دل جیت لیے تھے۔