سندھ بلدیاتی الیکشن: 93 میں سے 92 یونین کمیٹیز کا نتیجہ مکمل ہوگیا

سندھ کے بلدیاتی انتخابات کے پہلے مرحلے کے نتائج آنے کا سلسلہ جاری ہے۔

26 جون کو سندھ کے 14 اضلاع میں بلدیاتی الیکشن کیلئے پولنگ ہوئی تھی۔

سندھ: بلدیاتی انتخابات کے پہلے مرحلے میں پی پی بھاری اکثریت سے کامیاب

شہری علاقوں کی میونسپل کمیٹیوں میں اب تک کل 354 میں سے 309 نشستوں کے نتائج سامنے آچکے جن میں پیپلز پارٹی 244 نشستیں جیتنے میں کامیاب رہی۔

اب 11 ٹاؤن میونسپل کارپوریشنز کی 93 میں سے 92 یونین کمیٹیز کا نتیجہ مکمل ہوگیا ہے جبکہ ایک یونین کمیٹی پر دوبارہ پولنگ ہوگی۔

تازہ ترین نتائج کے مطابق 92 یونین کمیٹیز میں پیپلز پارٹی کے78، متحدہ قومی موومنٹ (ایم کیو ایم) کے4، تحریک انصاف کے3، گرینڈ ڈیموکریٹک الائنس 2، تحریک لبیک پاکستان کا ایک اور  4 آزاد پینل کامیاب ہوئے۔