28 جون ، 2022 
انگلینڈ کے ورلڈکپ وننگ کپتان اوئن مورگن انٹرنیشنل کرکٹ سے ریٹائر
28 جون ، 2022
انگلینڈ کے ورلڈکپ وننگ کپتان اوئن مورگن نے انٹرنیشنل کرکٹ سے ریٹائرمنٹ کا اعلان کردیا۔
انگلینڈ نے مورگن کی قیادت میں 2019 کا ورلڈ کپ جیتا،انہیں وائٹ بال کرکٹ میں انگلش ٹیم کا کامیاب ترین کرکٹر مانا جاتا ہے۔
مورگن نے انگلینڈ کی نمائندگی کرتے ہوئے 225 ایک روزہ میچز میں 13 سنچریوں کی مدد سے6957 رنز بنائے جبکہ ان کی قیادت میں انگلینڈ نے 126 میں سے 76 ون ڈے جیتے۔
اس کے علاوہ 115 ٹی ٹوئنٹی میچز میں انہوں نے 2458 رنز بنائے جبکہ 16 ٹیسٹ میچز میں 2 سنچریوں کی مدد سے 700 رنز اسکور کیے۔
ایک بیان میں مورگن نے کہا کہ ریٹائرمنٹ کا فیصلہ کافی سوچ بچار کے بعد کیا، فیصلہ آسان نہیں لیکن اپنے اور انگلینڈ کی وائٹ بال کرکٹ کے مستقبل کو مدنظر رکھتے ہوئے اس فیصلے تک پہنچنے کیلئے یہی بہتر وقت تھا۔
13 سالہ کامیاب کیریئر کے بعد ریٹائرمنٹ پر آئی سی سی، انگلش کرکٹ بورڈ اور سابق کرکٹرز نے مورگن کو خراج تحسین پیش کیا ہے۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
