ویڈیو: بہروز سبزواری نے خلیل الرحمٰن قمر سے معافی مانگ لی

پاکستان کے سینئر اداکار بہروز سبزواری نے خلیل الرحمٰن قمر سے متعلق دیے گئے بیان پر ان سے معافی مانگ لی۔

کچھ روز قبل بہروز سبزواری اداکار جاوید شیخ کے ہمراہ جیو نیوز کے پروگرام 'ہنسنا منع ہے' میں شریک ہوئے جہاں انہوں نے معروف رائٹر خلیل الرحمٰن قمر سے متعلق کہا کہ 'اگر وہ مصنف نہ ہوتے تو کسی سے پِٹ رہے ہوتے'۔

تاہم اب اداکار نے ایک ویڈیو پیغام کے ذریعے معافی مانگی ہے۔

خلیل الرحمٰن قمر اگر رائٹر نہ ہوتے تو کسی سے پِٹ رہے ہوتے: بہروز سبزواری

بہروز سبزواری اداکار جاوید شیخ کے ہمراہ جیو نیوز کے پروگرام 'ہنسنا منع ہے' میں شریک ہوئے

بہروز سبزواری کے مطابق یہ بات انہوں نے مذاقاً کی تھی، اگر خلیل الرحمٰن کی دل آزاری ہوئی ہے تو وہ ذاتی طور پر ان سے معافی مانگتے ہیں۔

اداکار نے کہا کہ 'میں سمجھتا ہوں کہ خلیل الرحمٰن قمر  جیسا رائٹر ہمارے پاس ہے ہی نہیں، وہ میرے اچھے دوست ہیں، میرے دل میں ان کی بہت قدر ہے، اللہ جانتا ہے کہ میں نے وہ مذاق میں کہا تھا'۔

بہروز سبزواری کا مزید کہنا تھا کہ 'میری اس بات سے ان کی شخصیت پر کوئی فرق نہیں پڑتا، اگر ان کے چاہنے والوں کی دل آزاری ہوئی ہے تو میں ان سے بھی معافی مانگتا ہوں '۔

سینئر اداکار نے وضاحت پیش کی کہ'خلیل الرحمٰن اتنے بے باک ہیں صرف اسی وجہ سے میں نے یہ بات کی تھی، مجھے امید ہے کہ خلیل بھائی میری بات کو در گزر کریں گے'۔