30 جون ، 2022 
پاکستان
فوٹو: فائل
شکارپور: 6 افرادکے اغوا کے بعدکچےکے علاقے میں پولیس کا بھرپور آپریشن کا فیصلہ
30 جون ، 2022
شکارپور میں 6 افراد کے اغوا کے بعدکچے کے علاقے میں پولیس نے بھرپور آپریشن کا فیصلہ کرلیا۔
کراچی سے پولیس کی خصوصی نفری اور گولا بارود روانہ کیا جارہا ہے، آئی جی سندھ کے حکم پر شکارپور اورکچے کے علاقے میں بھرپور آپریشن کیا جائےگا۔
پولیس ذرائع کے مطابق کراچی سے ریپڈ ریسپانس فورس کی دو پلاٹون جدید ہتھیاروں کے ساتھ روانہ کی جا رہی ہیں، ایس ایس یو کے 8 اسنائپر اور شوٹرز کراچی سے بھیجے جا رہے ہیں۔
ڈسٹرکٹ کشمور سے بھی پولیس کی مشین گنوں سے مسلح نفری بھیجنےکا حکم جاری کیا گیا ہے، اے آئی جی لاجسٹک کو جدید اسلحہ اور 25 ہزار گولیاں شکار پور بھیجنے کا حکم دیا گیا ہے۔
پولیس کے مطابق آج صبح دس سے زائد ڈاکوؤں نے کچے کے علاقے سے 6 افراد کو اغوا کرلیا تھا۔
