پیٹرول کے بعد ایل پی جی بھی مہنگی کردی گئی، نوٹیفکیشن جاری

آئل اینڈ گیس ریگولیٹری اتھارٹی (اوگرا) نے مائع پیٹرولیم گیس (ایل پی جی) کی قیمت میں اضافے کا  اعلان کردیا۔

اوگرا کی جانب سے جاری نوٹیفکیشن کے مطابق جولائی کیلئے ایل پی جی کی قیمت میں فی کلو ایک  روپیہ 66 پیسے اضافہ کیا گیا ہے۔

حکومت نے پیٹرولیم مصنوعات کی قیمتوں میں مزید اضافہ کردیا

پیٹرول کی نئی قیمت 14روپے 85پیسے اضافے سے 248روپے 74پیسے لیٹر ہوگئی

اوگرا کے مطابق ایل پی جی کا  11.8 کلو کا گھریلو سلنڈر  19 روپے 62 پیسے مہنگا ہوگیا ہے، ایک کلو ایل پی جی کی نئی قیمت 220 روپے 42 پیسے مقرر کی گئی ہے۔

اوگرا کے مطابق نئی قیمتوں کے اطلاق کے بعد گھریلو سلنڈر کی نئی قیمت 2600 روپے 97  پیسے ہوجائے گی، جون میں ایل پی جی کا گھریلو سلنڈر  2581 روپے 35 پیسے کا تھا۔