03 جولائی ، 2022 
مسافر بس میں 30 سالہ خاتون کو کنڈکٹر نے جنسی زیادتی کا نشانہ بنا ڈالا
03 جولائی ، 2022
راجن پور کے قریب مسافر بس میں خاتون سے مبینہ زیادتی کا واقعہ پیش آیا ہے۔
مسافر ہوٹل پر کھانا کھانے کیلئے اترے تو کنڈکٹر نے اکیلے سفر کرنے والی خاتون کو زیادتی کا نشانہ بناڈالا، 30 سال کی خاتون اکیلے بکھر سے کراچی آرہی تھیں۔
خاتون کی شکایت پر کنڈکٹر کو گرفتار کرکے مقدمہ درج کرلیا گیا ہے جبکہ میڈیکل ٹیسٹ میں خاتون سے زیادتی ثابت ہوگئی ہے۔
پولیس کے مطابق بھکر سے کراچی جانے والی مسافر بس جام پور ہوٹل اسٹاپ پر رکی تھی۔
بس میں ایک خاتون کے علاوہ دیگر سوار 6 مسافر کھانے کیلئے ہوٹل چلے گئے تو بس کنڈکٹر نے اکیلی خاتون کو بس کی پچھلی سیٹ پر زبردستی لے جاکر زیادتی کا نشانہ بنا ڈالا۔
خاتون کے بس سے نہ اترنے پر ایک مسافر نے شک کی بناء پر بس کے اندر جاکر دیکھا اور کنڈکٹر کو زیادتی کرتے ہوئے رنگے ہاتھوں پکڑ لیا۔
پولیس کے مطابق متاثرہ خاتون بھکر سے کراچی جارہی تھیں۔ ملزم کو گرفتار کرکے مقدمہ درج کرلیا گیا ہے جبکہ میڈیکل رپورٹ میں متاثرہ خاتون سے زیادتی ثابت ہوگئی ہے اور گرفتار ملزم نے بھی اعتراف جرم کرلیا ہے۔
