قصور: نجی کلب کے سوئمنگ پول میں ساڑھے 4 سالہ بچہ ڈوب کر جاں بحق
03 جولائی ، 2022
قصور کے علاقے پھول نگر میں ملتان روڈ پر نجی کلب کے سوئمنگ پول میں ساڑھے چار سالہ بچہ ڈوب کر جاں بحق ہو گیا۔
پولیس کے مطابق متوفی عمر ماں باپ کے ساتھ کلب تفریح کیلئے گیا تھا،کھیل کے دوران ماں باپ کی نظروں سے اوجھل ہوا اور پھر سوئمنگ پول سے اس کی لاش ملی۔
متاثرہ والدین کے مطابق سوئمنگ پول کی دیکھ بھال کیلئے کوئی مناسب بندوبست نہیں ہے، انہوں نے کلب انتظامیہ کے خلاف کارروائی کیلئے تھانہ پھول نگر قصور میں درخواست دی ہے جبکہ پولیس کا کہنا ہے کہ حادثہ 2 جولائی کو پیش آیا،تحقیقات جاری ہیں ،مقدمہ درج کر لیا جائے گا۔
