ڈیلیوری بوائے کی کسٹمر کو کھانا گھوڑے پر پہنچانے کی ویڈیو وائرل

پیٹرول کی بڑھتی قیمتوں کے بعد سڑکوں پر بائیک اور گاڑیوں کے بجائے گھوڑوں کے استعمال کی ویڈیوز تو سامنے آئی تھیں لیکن اب تیز بارش کے باعث بھی بائیک کے بجائے گھوڑے کا انتخاب بطور سواری  کیا جانے لگا۔

سوشل میڈیا پر ان دنوں ایک ایسی ہی ویڈیو وائرل ہے جو بھارت کے شہر ممبئی کی ہے جہاں نجی کمپنی کے فوڈ ڈیلیوری بوائے کو بائیک کے بجائے گھوڑے پر کسٹمرز کے گھر کھانا لے جاتے دیکھا گیا۔

بھارتی میڈیا کے مطابق یہ ویڈیو جعلی یا ازراہ مذاق نہیں بنائی گئی بلکہ زیر غور ویڈیو  حقیقت میں گھوڑے پر کھانا  ڈیلیور کرنے کی ہے۔

دوسری جانب  اس ویڈیو پر سوشل میڈیا صارفین کی جانب سے دلچسپ تبصرے بھی کیے جارہے ہیں۔