18 جولائی ، 2022 
ضمنی انتخابات: پی ٹی آئی کے منحرفین کو سارے ٹکٹ دینا ن لیگ کو مہنگا پڑگیا
18 جولائی ، 2022
پنجاب کے ضمنی الیکشن میں تحریک انصاف نے میدان مار لیا۔
پنجاب اسمبلی کی 20 نشستوں پر ہونے والے ضمنی انتخابات کے مکمل نتائج الیکشن کمیشن کو موصول ہوگئے جس کے مطابق پاکستان تحریک انصاف 15 اور مسلم لیگ (ن) نے 4 نشستوں پر کامیابی حاصل کرلی جبکہ ایک نشست آزاد امیدوار کے حصے میں آئی۔
رپورٹس کے مطابق پاکستان مسلم لیگ ن کو پی ٹی آئی کے منحرفین کو سارے ٹکٹ دینا مہنگا پڑا کیونکہ ہوا کچھ یوں کہ ٹکٹ نہ ملنے پر ن لیگ سے تحریک انصاف میں جانے والے عرفان اللہ نیازی خوشاب سے جیت گئے جبکہ لیگی ٹکٹ نہ ملنے پر ناراض عامر اقبال شاہ پی ٹی آئی کے ٹکٹ پر لودھراں سے جیت گئے۔
اس کے علاوہ لودھراں کی دوسری نشست پر مسلم لیگ ن کا ٹکٹ نہ پانے والے رفیع الدین بخاری آزاد امیدوار کی حیثیت سے لڑے اور تحریک انصاف اور مسلم لیگ ن دونوں کے امیدواروں کو ہرا دیا۔
دوسری جانب خوشاب میں مسلم لیگ ن کی اندرونی لڑائی نے تحریک انصاف کو فتح دلا دی ، مسلم لیگ ن کا ٹکٹ پانے میں ناکام آصف ملک کو پی ٹی آئی امیدوار حسن اسلم نے پانچ ہزار ووٹوں سے ہرایا ۔
مزید خبریں :
کراچی میں آئندہ 24 گھنٹوں میں موسم کیسا رہے گا؟
24 منٹ پہلے
ملک کے آلودہ ترین شہروں میں سکھر سرفہرست رہا
34 منٹ پہلے
