عدنان سمیع نے انسٹاگرام سے تمام پوسٹس ڈیلیٹ کرتے ہوئے 'الوداع 'کا پیغام جاری کر دیا

گلوکار عدنان سمیع نے انسٹاگرام سے اپنی تمام پوسٹس ڈیلیٹ کر دیں۔

رپورٹس کے مطابق منگل کے روز مداح اس وقت حیران ہوگئے جب گلوکار اور موسیقار عدنان سمیع نے اچانک اپنے انسٹاگرام اکاؤنٹ سے تمام تصاویر اور ویڈیوز ڈیلیٹ کردیں۔

تاہم بعد ازاں گلوکار کی جانب سے انسٹاگرام پر ایک مختصر سی ویڈیو پوسٹ کی گئی جس میں انگریزی کے حروف میں' ALVIDA' لکھا ہوا تھا۔

انسٹاگرام سے اچانک تمام پوسٹس ڈیلیٹ کرنا اور پھر الوداع کا پیغام جاری کرنے کے پیچھے کیا وجہ ہوسکتی ہے یہ اب تک واضح نہیں ہوسکا۔

دوسری جانب خیال کیا جارہا ہے کہ شاید عدنان سمیع نے کچھ وقت کیلئے سوشل میڈیا سے دوری اختیار کرنے کیلئے ایسا کیا ہوا تاہم اس حوالے سے کوئی تصدیق نہیں ہوئی۔

اس کے علاوہ کچھ صارفین نے خیال ظاہر کیا کہ عدنان سمیع کا نیا گانا ریلیز ہونے والا ہوگا اس لیے گلوکار نے ایسا کیا۔ 

واضح رہے کہ انسٹاگرام پر عدنان سمیع کے 6 لاکھ سے زائد فالورز ہیں۔

گلوکار عدنان سمیع کو بھارت کے اعلیٰ سول ایوارڈ ’پدما شری‘ سے نواز دیا گیا

بھارتی صدر نے عدنان سمیع کے علاوہ اداکارہ کنگنا رناوت، کرن جوہر اورایکتا کپورکو بھی ایوارڈ سے نوازا۔

عدنان سمیع کو ایوارڈ دینے پر بھارتی اداکارہ کی مودی سرکار پر تنقید

بی جے پی کو پاکستان سے محبت ہے اور یہی وجہ ہے کہ اُنہوں نے سابق پاکستانی گلوکار عدنان سمیع کو پدما شری ایوارڈ سے نوازا ہے: سوارا بھاسکر