بھارتی گلوکار سدھو موسے والا کے قتل میں ملوث 2 شوٹرپولیس مقابلے میں مارے گئے

بھارتی گلوکار سدھو موسے والا کے قتل میں ملوث 2 شوٹرپولیس مقابلے میں مارے گئے۔

بھارتی میڈیا رپورٹس کے مطابق بھارتی پولیس  نے خفیہ اطلاع پر پاکستانی سرحد کے قریب ایک گاؤں میں کارروائی کی، اس دوران پولیس اور گینگسٹرز میں فائرنگ کا تبادلہ ہوا۔

میڈیا رپورٹس میں کہا گیا ہے کہ پولیس مقابلے میں 4  ملزمان مارے گئے جن میں سدھو موسے والا کے قتل میں ملوث 2 شوٹرز بھی شامل ہیں۔ 

سدھو موسے والا کے قتل کے بعد قاتلوں کی گاڑیوں میں فرار ہونیکی ویڈیو وائرل

ویڈیو جواہر گاؤں کے نزدیک ہی قتل کی جگہ سے کچھ فاصلے پر نصب سی سی ٹی وی کیمرے سے لی گئی ہے

حکام کے مطابق ملزمان سے فائرنگ کے تبادلے میں 3 پولیس اہلکار بھی  زخمی ہوئے۔

واضح رہے کہ نامور بھارتی گلوکار سدھو موسے والا کو 29 مئی کو نامعلوم حملہ آوروں نے فائرنگ کرکے قتل کر دیا  تھا، بعد ازاں گینگسٹر لورنس بشنوئی نے  اعتراف کیا تھا کہ سدھو موسے والا کا قتل اس کے گینگ نے کیا ہے۔