22 جولائی ، 2022 
اس بار بگ بیش لیگ میں بابر، رضوان اور شاہین بھی ایکشن میں نظر آئیں گے
22 جولائی ، 2022
اس سال آسٹریلیا میں ہونے والی بگ بیش لیگ میں قومی ٹیم کے کپتان بابر اعظم، وکٹ کیپر محمد رضوان اور فاسٹ بولر شاہین شاہ آفریدی بھی ایکشن میں نظر آئیں گے۔
آسٹریلوی میڈیا کے مطابق بی بی ایل میں پہلی مرتبہ غیر ملکی کھلاڑیوں کے لیے ڈرافٹ متعارف کرایا گیا ہے، بی بی ایل کا غیر ملکی کھلاڑیوں کے لیے ڈرافٹ 28 اگست کو ہو گا اور بگ بیش لیگ 13 دسمبر کو شروع ہو گی۔
رپورٹس کے مطابق اس سال بگ بیش لیگ کے ڈرافٹ میں پاکستان کے کرکٹرز بھی شامل ہوں گے، بابر اعظم، محمد رضوان اور شاہین آفریدی غیر ملکی کھلاڑیوں کے ڈرافٹ میں شامل ہوں گے۔
میڈیا رپورٹس کے مطابق بی بی ایل کے گزشتہ سیزن میں بھی تینوں کرکٹرز کی بات چیت ہوئی تھی تاہم امکان ہے کہ لیگ کے 12 ویں ایڈیشن میں بابر اعظم، محمد رضوان اور شاہین آفریدی ایکشن میں نظر آئیں۔
آسٹریلوی میڈیا کا کہنا ہے کہ حارث رؤف اور شاداب خان گزشتہ سیزن بھی کھیلے تھے اور اس بار بھی ڈرافٹ میں شامل ہوں گے۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
