26 جولائی ، 2022 
پاکستان
انکوائری کمیشن نے متاثرہ خاتون طیبہ گل کو 28 جولائی کو طلب کیا ہے— فوٹو: فائل
جسٹس (ر) جاوید اقبال پر الزامات، انکوائری کمیشن نے طیبہ گل کو طلب کرلیا
26 جولائی ، 2022
قومی احتساب بیورو (نیب) کے سابق چیئرمین جسٹس (ر) جاوید اقبال پر الزامات کے معاملے پر انکوائری کمیشن نے متاثرہ خاتون طیبہ گل کو طلب کرلیا۔
حکومت کی جانب سے بنائے گئے انکوائری کمیشن نے متاثرہ خاتون طیبہ گل کو 28 جولائی کو طلب کیا ہے۔
خیال رہے کہ سابق چیئرمین نیب جسٹس (ر) جاوید اقبال پر خاتون طیبہ گل نے الزام لگایا تھا کہ 45 دن انہیں اور ان کے شوہر کو پرائم منسٹر ہاؤس میں ان کی مرضی کے برخلاف حبس بیجا میں رکھا گیا اور موبائل بھی لے لیے گئے تھے۔
انہوں نے الزام عائد کیا کہ سابق وزیر اعظم عمران خان نے میری ویڈیوز حاصل کر کے نیب میں اپنے کیس بند کر ائے۔
