دعا اور ظہیر سے متعلق بیان پر تنقید کے بعد حرا مانی کا ردعمل

اداکارہ حرا مانی دعا اور ظہیر کی پسند کی شادی کے حوالے سے دیے گئے بیان پر کڑی تنقید کی زد میں آگئیں۔

گزشتہ روز حرا مانی نے ایک انسٹا اسٹوری شیئر کرتے ہوئے دعا اور ظہیر کے لیے دعا کی تھی جس میں انہوں نے کہا تھا کہ ’میں چاہتی ہوں دعا اور ظہیر کبھی الگ نہ ہوں، اللہ تعالی میری یہ دعا ضرور سنیں گے‘ ۔

حرا مانی کے اس بیان پر اداکارہ کو کڑی تنقید کا نشانہ بنایا گیا جس میں افشاں آفتاب نامی صارف نے لکھا کہ حرا کی گلوکاری سے زیادہ کچھ برا نہیں ہے لیکن ان کا بیان اس سے زیادہ برا ہے۔

ایک صارف نے لکھا حرامانی کی خوبصورتی بغیر دماغ کے ایک خوبصورت مثال ہیں۔

چاہتی ہوں دعا اور ظہیر کبھی الگ نہ ہوں : حرا مانی

گزشتہ روز کراچی سے لاہور جاکر اپنی پسند کی شادی کرنے والی دعا زہرا کو کراچی منتقل کیا گیا

صارفین کی تنقید کے بعد اداکارہ نے ایک اور اسٹوری درج کرتے ہوئے اپنے بیان سے متعلق وضاحت دی جس میں لکھا کہ میں سیاسی طور پر درست نہیں لیکن جذباتی طور پر درست ہوں، یہی وجہ ہے کہ میں حرا مانی ہوں۔