27 جولائی ، 2022 
پاکستان
آج کراچی ائیرپورٹ پر مجموعی طور پر 46 پروازیں منسوخ ہوئی ہیں: ذرائع سی اے اے/ فائل فوٹو
کراچی میں موسم کی خرابی کے باعث متعدد پروازیں منسوخ
27 جولائی ، 2022
کراچی: موسم کی خرابی کے بعد ائیرلائنز کا شیڈول بری طرح متاثر ہوا ہے۔
سول ایوی ایشن ذرائع کے مطابق بارش اور خراب موسمی حالات کی وجہ سے شہر سے جانے والی پروازوں کے شیڈول میں مسلسل تبدیلی آرہی ہے اور کئی پروازیں تاخیر کا شکار ہیں۔
سی اے اے ذرائع کا کہنا ہے کہ آج کراچی ائیرپورٹ پر مجموعی طور پر 46 پروازیں منسوخ ہوئی ہیں۔
دوسری جانب کوئٹہ میں بھی موسم کی خرابی کے باعث فضائی آپریشن متاثر ہے جس کے باعث بارش سے متاثرہ علاقوں میں ریلیف آپریشن بھی متاثر ہوا ہے۔
