30 جولائی ، 2022
ملک میں بجلی کا بحران جاری ہے اور آئندہ ماہ بھی لوڈشیڈنگ کی صورتحال برقرار رہنے کا امکان ہے۔
ذرائع کے مطابق ملک میں بجلی کی پیداوار 22400 میگاواٹ اور طلب 28600 میگاواٹ ہے، بجلی کا شارٹ فال 6 ہزار میگاواٹ سے زائد ہے۔
ذرائع کا کہنا ہے کہ پنجاب سمیت ملک کے چھوٹے اور بڑے شہروں میں لوڈشیڈنگ جاری ہے، لوڈ شیڈنگ کا دورانیہ مجموعی طور پر 4 سے 8گھنٹے ہے۔
ذرائع کے مطابق لوڈشیڈنگ کی صورتحال اگست میں بھی برقرار رہنے کا امکان ہے۔