31 جولائی ، 2022 
پاکستان
ملک بھر کے تاجر بجلی کے بلوں میں فکسڈ ٹیکس وصولی کے خلاف سراپا احتجاج ہیں— فوٹو: فائل
مریم نے وزیرخزانہ سے تاجروں سے بجلی کے بل میں ٹیکس واپس لینے کی اپیل کر دی
31 جولائی ، 2022
پاکستان مسلم لیگ (ن) کی مرکزی نائب صدر مریم نواز نے وزیرخزانہ مفتاح اسماعیل سے تاجروں سے بجلی کے بل میں فکسڈ ٹیکس واپس لینے کی اپیل کردی۔
اپنی ٹوئٹ میں مریم نواز کا کہنا تھاکہ ’مفتاح بھائی بجلی کے بِل پر ٹیکس واپس لیں، تاجر بھائی پریشان ہیں اور شکوہ کر رہے ہیں‘۔
انہوں نے امید کا اظہا ر کیا کہ آپ کوئی حل نکالیں گے۔
خیال رہے کہ ملک بھر کے تاجر بجلی کے بلوں میں فکسڈ ٹیکس وصولی کے خلاف سراپا احتجاج ہیں اور ملک بھر میں احتجاج کیا جا رہا ہے۔
ملک بھر کے تاجروں نے بجلی کے بل نہ جمع کرانے کا اعلان کر رکھا ہے۔
