لاہور کے میواسپتال میں انستھیزیا کے انجیکشن کی عدم دستیابی سے مریضوں کے آپریشن متاثر
31 جولائی ، 2022
لاہور کے میو اسپتال میں ادویات کی سپلائی متاثر ہوگئی۔
رپورٹس کے مطابق انستھیزیا کے انجیکشن کی عدم دستیابی سے مریضوں کے آپریشن متاثر ہو رہے ہیں جبکہ مریضوں کو کئی روز سے ادویات میسر نہیں جس کے باعث مریض بازار سے ادویات خریدنے پر مجبور ہیں۔
مریضوں نے حکومت سے نوٹس لینے کا مطالبہ کیا ہے۔
دوسری جانب لاہور شہر میں بخار کی گولی ملناشروع ہوگئی لیکن دوا ساز کمپنیوں نے بخارکی گولی کے ساتھ میڈیکل اسٹورز کیلئے کیلشیم کی گولیاں لازمی خریدنے کی شرط رکھ دی۔
میڈیکل اسٹورز انتطامیہ کا کہنا ہےکہ بخار کی گولیوں کے 10 ڈبوں کے ساتھ کیلشیم کی 600 گولیاں خریدنے کاکہا جارہاہے۔
