کشمیر پریمیئر لیگ کے دوسرے ایڈیشن کے شیڈول کا اعلان کر دیا گیا

کشمیر پریمیئر لیگ( کے پی ایل) کے دوسرے ایڈیشن کے شیڈول کا اعلان کر دیا گیا۔

کشمیرپریمیئرلیگ کی انتظامیہ کے مطابق کے پی ایل کا دوسرا ایڈیشن 13 سے 26 اگست تک کھیلا جائے گا۔

کشمیر پریمیئر لیگ کے دوسرے ایڈیشن میں سات ٹیمیں مدمقابل ہوں گی جن کے درمیان کل 25 میچز کھیلے جائیں گے۔ 

 لیگ کی میزبانی مظفرآباد کرکٹ اسٹیڈیم کرے گاجہاں ہر دن دو گروپ میچز کھیلے جائیں گے،پہلا گروپ میچ دوپہر 2 بجے جبکہ دوسرا گروپ میچ شام 7 بجے شروع ہوگا۔

کے پی ایل کے تمام میچز نہیں کھیل سکوں گا: شاہد آفریدی

کے پی ایل کا دوسرا سیزن بھی کامیاب ہوگا، کوشش کروں گا بیٹنگ میں ایکشن دکھاؤں: سابق کپتان

24 اگست کو کوالیفائر دوپہر 2 بجے جبکہ الیمینیٹر ون شام 7 بجے  کھیلا جائے گا جبکہ الیمینیٹر ٹو 25 اگست کو شام 7 بجے شروع ہوگا۔

کشمیر پریمیئر لیگ کے دوسرے ایڈیشن کا فائنل 26 اگست کوشام  7:30 بجے شروع ہوگا۔