02 اگست ، 2022 
امریکا نے ایمن الظواہری کی موت کی تصدیق کس طرح کی؟
02 اگست ، 2022
امریکی صدارتی محل وائٹ ہاؤس کی جانب سے جاری بیان میں کہا گیا ہے کہ کابل میں امریکی ڈرون حملے میں القاعدہ رہنما ایمن الظواہری کی ہلاکت کی تصدیق ڈی این اے کے ذریعے نہیں بلکہ دیگر ذرائع کی مدد سے کی گئی۔
امریکی میڈیا کو انٹرویو میں ترجمان وائٹ ہاؤس جان کربی کا کہنا تھا کہ دیگر ذرائع سے ایمن الظواہری کی شناخت کی تصدیق کی، ہمارے پاس ویژیول تصدیق موجود ہے، دیگر ذرائع سے بھی تصدیق کی گئی ہے، متعدد ذرائع اور طریقوں سے ہم نے معلومات اکٹھی کیں۔
جان کربی نے کہا کہ ایمن الظواہری کی ہلاکت کی مزید تصدیق کی ضرورت نہیں، افغانستان میں القاعدہ کی موجودگی اب بہت تھوڑی رہ گئی ہے۔
خیال رہے کہ امریکی میڈیا کے مطابق سی آئی اے نے ایمن الظواہری کو اتوار کے روزکابل میں ڈرون حملے سے نشانہ بنایا اور اس کارروائی میں کوئی شہری نہیں ماراگیا۔
ایمن الظواہری نے القاعدہ کے بانی لیڈر اسامہ بن لادن کی موت کے بعد تنظیم کی کمان سنبھالی تھی۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
