فضل الرحمان عمران خان کی نااہلی اور پی ٹی آئی پر پابندی کی کارروائی کیلئے مُصِر

اسلام آباد: حکومتی اتحاد پی ڈی ایم کے سربراہ مولانا فضل الرحمان نے ممنوعہ فنڈنگ کیس کا فیصلہ آنے کے بعد حکومت سے عمران خان کی نااہلی کی کارروائی شروع کرنے پر اصرار کیا ہے۔

مولانا فضل الرحمان نے اصرار کیا کہ الیکشن کمیشن کے فیصلے کے تناظر میں حکومت کو عمران خان کی تاحیات نااہلی کی کارروائی فوری شروع کرنی چاہیے، تحریک انصاف پر پابندی کی بھی کارروائی کرنی چاہیے ۔

دوسری جانب پیپلز پارٹی کے رہنما قمر زمان کائرہ نے کہاکہ عمران خان فارن فنڈنگ کے حوالے سے جان بوجھ کر انجان بنے رہے ، وہ جھوٹ بولنے میں سب سے بڑے لیڈر ہو سکتے ہیں۔

اس فتنےکی فتنہ بازی ہمیشہ کیلئے ختم کریں، قانون اور آئین کے مطابق فوراً ایکشن لیں: نواز شریف

یہ قوم کو درس دیتا تھا کہ دیانت دار اور ایماندار ہوں، چوری نہیں کرتا، عمران خان کا تاریخ کا سب سے بڑا ڈاکا ثابت ہوگیا ہے، نواز شریف

حکومت مصدقہ ثبوتوں پر ڈکلیریشن دے سکتی ہے، عدالت اسے برقرار رکھے تو پی ٹی آئی تحلیل ہوجائیگی: رانا ثنااللہ

پی ٹی آئی 34غیر ملکی شہریوں اور 351 کمپنیوں سے فنڈز لیتی رہی، پولیٹیکل پارٹی ایکٹ اور الیکشن ایکٹ کے مطابق بھی ممنوعہ فنڈنگ جرم ہے: وفاقی وزیر داخلہ