امریکا کی سعودیہ اور یو اے ای کو میزائل ڈیفنس سسٹم دینے کی منظوری

امریکی وزارت خارجہ نے سعودی عرب اور متحدہ عرب امارات کو میزائل ڈیفنس سسٹم کی فروخت کی منظوری دے دی ہے۔

امریکا کی جانب سے سعودی عرب کوپیٹریاٹ میزائل جبکہ، یو اے ای کو ٹرمینل ھائی الٹیٹیوڈ ایریا ڈیفنس (تھاڈ) میزائل سسٹم دینے کی منظوری دی گئی ہے۔

پینٹاگون کے مطابق ڈیل کے تحت سعودی عرب کو 5.3 ارب ڈالرکے 300 پیٹریاٹ میزائلوں سمیت مطلوبہ اوزار اور ٹیکنیکل سپورٹ فراہم کی جائے گی۔

امریکا کا سعودی عرب سے پیٹریاٹ میزائل سسٹم ہٹانے کا فیصلہ

میزائل اور جنگی طیاروں کے حملوں سے تنصیبات کو بچانے والے پیٹریاٹ میزائل کی چار بیٹریوں کو آئل فیلڈز سے ہٹادیا جائے گا: عرب میڈیا

متحدہ عرب امارات کو 2.25 ارب ڈالر کے 96 تھاڈ میزائل، مطلوبہ اوزار، اسپیر اور ٹینکینل سپورٹ فراہم کی جائے گی۔

ڈیفنس میزائل سسٹم کی فراہمی کا اعلان امریکی صدر جوبائیڈن کے دورہ سعودی عرب کے بعد کیا گیا ہے جبکہ  اس سے قبل بائیڈن انتظامیہ نے سعودی عرب کو جارحانہ اسلحہ نہ بیچنے کی پالیسی اختیار کی ہوئی تھی تاہم اس ڈیل کے بعد خیال کیا جا رہا ہے کہ بائیڈن انتظامیہ نے اپنی یہ پالیسی واپس لے لی ہے۔