کھیل
04 اگست ، 2022

'ویل ڈن ،بٹ صاحب ' وزیر اعظم کی کامن ویلتھ گیمز 2022 میں پہلا گولڈ میڈل جیتنے پر ٹوئٹ

فوٹو: کامن ویلتھ گیمز
فوٹو: کامن ویلتھ گیمز

وزیر اعظم شہباز شریف  نے کامن ویلتھ گیمز میں ویٹ لفٹنگ کیٹیگری میں گولڈ میڈل جیتنے پر نوح دستگیر بٹ کو مبارک باد دی ہے۔

وزیر اعظم نے سوشل میڈیا پر بیان جاری کرتے ہوئے لکھا کہ 'ویل ڈن ، بٹ صاحب '۔

واضح رہے کہ نوح دستگیر بٹ نے کامن ویلتھ گیمز 2022 میں پاکستان کیلئے پہلا گولڈ میڈل جیتا ہے۔

نوح دستگیر بٹ نے مجموعی طور پر 405 کلو گرام وزن اٹھاکر گولڈ میڈل جیتا۔ انہوں نے اسنیچ میں 173 جبکہ کلین اینڈ جرک میں 232 کلو وزن اٹھایا۔

نوح دستگیر بٹ کی اسنیچ میں 173 جبکہ کلین اینڈ جرک میں 232 کلو وزن کی لفٹس کامن ویلتھ گیمز کی 109+ ویٹ کیٹیگری کی ریکارڈ لفٹس ہیں۔

یاد رہے کہ نوح دستگیر نے 2018 میں بھی پاکستان کیلئے برانز میڈل جیتا تھا جب کہ گزشتہ سال دسمبر میں ہونیوالی کامن ویلتھ ویٹ لفٹنگ چیمپئن شپ میں انہوں نے سلور میڈل جیتا تھا۔

نوح دستگیر بٹ کا گولڈ کامن ویلتھ گیمز کی تاریخ میں پاکستان کا صرف دوسرا گولڈ میڈل ہے، اس سے قبل 2006 میں شجاع الدین ملک نے پاکستان کیلئے ویٹ لفٹنگ میں طلائی تمغہ جیتا تھا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM