مولانا طارق جمیل کی عمران خان سے ملاقات پر جواد احمد کا ردعمل

نامور  مذہبی اسکالر مولانا طارق جمیل کی چیئرمین پاکستان تحریک انصاف عمران خان سے ملاقات پر گلوکار و سیاستدان جواد احمد نے اپنے ردعمل کا اظہار کیا ہے۔

چند روز قبل مولانا طارق جمیل نے عمران خان سے بنی گالہ میں ان کی رہائش گاہ پر ملاقات کی تھی جس کے بعد میڈیا سے گفتگو میں مولانا طارق جمیل کا کہنا تھا عمران خان کی درخواست پر ان سے ملنے کے لیے آیا ہوں، سیاستدان ملک کو کبڈی کا میدان نہ بنائیں۔

مذہبی اسکالر مولانا طارق جمیل عمران خان سے ملنے بنی گالہ پہنچ گئے

سیاستدان غریبوں کے بارے میں سوچیں، حکومت معلوم نہیں کیا کر رہی ہے، بس قوم کو پیغام ہے کہ استغفار کریں: میڈیا نمائندوں سے گفتگو

اب مولانا طارق جمیل کی عمران خان سے ملاقات پر جواد احمد نے ردعمل کا اظہار کرتے ہوئے کہا کہ مولانا طارق جمیل کو سیاست کا اتنا ہی پتا ہے جتنا عمران خان کو اسلام کا، دونوں بوقت ضرورت سیاسی اور اسلامی ٹچ دیتے ہیں۔