عمران خان کو فارغ کرنا اتنا ہی مشکل ہے جتنا نواز شریف کو ایماندار ثابت کرنا: فواد چوہدری

اسلام آباد: تحریک انصاف کے رہنما فواد چوہدری کا کہنا ہے کہ  چیئرمین پی ٹی آئی عمران خان کو فارغ کرنا اتنا ہی مشکل ہے جتنا نواز شریف کو ایماندار ثابت کرنا۔

جیو نیوز سے گفتگو میں فواد چوہدری  نے مطالبہ کیا کہ چیف الیکشن کمشنر مستعفی ہوں ورنہ پھر ہمیں کوئی راست اقدام کرنا پڑے گا، یہ ملک رانا ثناء اللہ کا نہیں کہ پورا اسلام آباد بلاک کردیا۔

انہوں نے مسلم لیگ (ن) کے قائد نواز شریف پر تنقید کرتے ہوئے کہا کہ  عمران خان کو فارغ کرنا اتنا ہی مشکل ہے جتنا نواز شریف کو ایمان دار ثابت کرنا۔

حکومت نے الیکشن کمیشن کو پی ٹی آئی کیخلاف استعمال کیا، عمران خان

پاکستانیوں آپ الیکشن کمیشن کے ذریعے کنٹرول ہوسکتے ہیں، پیسے پر لوگ بک رہے ہیں الیکشن کمیشن نے کوئی ایکشن نہیں لیا، عمران خان

یاد رہے کہ  گزشتہ روز تحریک انصاف  نے  الیکشن کمیشن کے خلاف اسلام آباد کے ریڈ زون اور  الیکشن کمیشن کے دفتر کے باہر بھی احتجاج کیا تھا۔

 پی ٹی آئی کے احتجاج کی وجہ سے اسلام آباد کا ریڈ زون سیل کردیا گیا تھا،  داخلی راستوں پر کنٹینر لگاتے ہوئے مظاہرین اور غیر متعلقہ افراد کے داخلے پر پابندی کردی گئی تھی۔