08 اگست ، 2022 
فوری الیکشن میں گئے تو اگلے 4 ماہ ملک میں بے یقینی آجائےگی: احسن اقبال
08 اگست ، 2022
وفاقی وزیر اور پاکستان مسلم لیگ ن کے سیکرٹری جنرل احسن اقبال کا کہنا ہے کہ اگر فوری الیکشن میں گئے تو اگلے 4 ماہ ملک میں بے یقینی آجائےگی۔
احسن اقبال نے شکرگڑھ میں میڈیا سے گفتگو کرتے ہوئے کہا کہ ملک میں مردم شماری کا عمل شروع ہو چکا ہے،خصوصاً صوبہ سندھ کا مؤقف ہے کہ اگلا الیکشن نئی مردم شماری کے تحت ہو، نئی مردم شماری فروری میں مکمل ہو گی۔
انہوں نے کہا کہ الیکشن کمیشن 4 مہینے میں نئی حلقہ بندیاں کر سکتا ہے، فارن فنڈنگ کیس نے عمران خان کی سیاست کا پردہ چاک کر دیا ہے۔
ملکی معیشت سے متعلق سوال کے جواب میں احسن اقبال نے کہا کہ کہاں گئے وہ لوگ جو پاکستان کو سری لنکا سے تشبیہ دے رہے تھے، اللہ کے فضل سے معاشی اعشاریے بہتر ہیں اور اگلے چند ماہ میں ان میں مزید بہتری آئے گی۔
مزید خبریں :
پنجاب اسمبلی نے ترمیمی زرعی انکم ٹیکس بل منظور کرلیا
3 گھنٹے پہلے
کیا پیراتھائرائیڈکا علاج پاکستان میں ممکن ہے؟
5 گھنٹے پہلے
