بنی گالا میں پی ٹی آئی کارکنوں کی صحافیوں سے بد تمیزی، کیمرہ مین کو تھپڑ مار دیا

پاکستان تحریک انصاف کے کارکنوں نے عمران خان کی رہائش گاہ بنی گالا کے باہر  صحافیوں کے ساتھ بد تمیزی کی اور تشدد کا نشانہ بنایا۔

پی ٹی آئی رہنما فیصل جاوید کی میڈیا ٹاک کے دوران پی ٹی آئی کارکن نے کیمرہ مین کو تھپڑ مار دیا۔

پی ٹی آئی کارکنوں نے کیمرہ مین حضرات سے دھکم پیل کی اورنا زیبا زبان استعمال کی۔

پی ٹی آئی کارکن نے نجی چینل کا کیمرہ گرا دیا جس سے کیمرے کو نقصان پہنچا۔