شہباز گل نے سب کچھ عمران خان کے کہنے پر کہا: شرجیل میمن

کراچی: وزیر اطلاعات سندھ شرجیل میمن کا کہنا ہے کہ شہباز گل نے جو کچھ ٹی وی پر بیٹھ کر کہا ہے عمران خان کے کہنے پر کہا ہے جب کہ عمران خان جنگ اور جہاد کے نام پر عوام کو بے وقوف بنا رہے ہیں۔

کراچی میں  پریس کانفرنس کرتے ہوئے شرجیل میمن نے کہا کہ عمران خان اور ان کے حواریوں کا ایجنڈا پاکستان کے خلاف ہے، وہ ملک کے اہم اداروں کے خلاف دن رات گھناؤنی سازشوں میں مصروف ہیں ۔

دوسری جانب سعید غنی نے کہا کہ عمران نیازی پاکستان کیلئے سیکیورٹی رسک بن چکا ہے۔

علاوہ ازیں خورشید شاہ  کاکہنا تھا کہ شہباز گل سمیت دیگر ٹوئٹس کے پیچھے عمران خان ہے، عمران الیکشن کی بات کرتا ہے، دو صوبوں میں ان کی حکومت ہے، اسمبلیاں کیوں نہیں توڑتا؟ عمران خان صرف لوگوں کو گمراہ کرنا چاہتا ہے۔