10 اگست ، 2022 
پاکستان
پی ٹی آئی ملازمین نے ایف آئی اے نوٹسز کو خلاف ضابطہ ہونے پر عدالت میں چیلنج کیا تھا۔ فوٹو فائل
ممنوعہ فنڈنگ کیس: پی ٹی آئی سیکرٹریٹ ملازمین کو جاری نوٹسز میں ترمیم کا فیصلہ
10 اگست ، 2022
اسلام آباد: ایف آئی اے نے ممنوعہ فنڈنگ کیس میں پی ٹی آئی سیکرٹریٹ کے ملازمین کو جاری نوٹسز میں ترمیم کا فیصلہ کیا ہے۔
ایف آئی اے کی جانب سے جاری بیان میں کہا گیا ہے کہ نوٹسز میں ترمیم کر کے ایس او پیز کے مطابق نوٹسز جاری کریں گے۔
ایف آئی اے کے ڈپٹی ڈائریکٹر نے اسلام آباد ہائیکورٹ کو آگاہ کر دیا ہے، عدالت نے ایف آئی اے کے ڈپٹی ڈائریکٹر کے بیان کی بنیاد پر درخواست نمٹا دی ہے۔
یاد رہے کہ پی ٹی آئی ملازمین نے ایف آئی اے نوٹسز کو خلاف ضابطہ ہونے پر عدالت میں چیلنج کیا تھا۔
