کراچی میں بارش کے بعد 250 فیڈرز بند، مختلف علاقوں میں بجلی کی فراہمی معطل

کراچی: شہر قائد میں بارش کے باعث مختلف علاقوں میں بجلی کی فراہمی معطل ہو گئی۔

ترجمان کے الیکٹرک کا کہنا ہے کہ شہر کے 1900 میں سے 250 فیڈرز حفاظتی طور پر بند کیے گئے ہیں۔

کراچی کے مختلف علاقوں میں تیز ہواؤں کے ساتھ بارش

شہر قائد میں بارش کا سلسلہ 14 اگست تک جاری رہ سکتا ہے: محکمہ موسمیات

کے الیکٹرک کے ترجمان کا مزید کہنا ہے کہ متاثرہ علاقوں میں پانی کھڑا ہونے یا کنڈوں کے باعث بجلی بند کی گئی ہے۔

یاد رہے کہ کراچی کے مختلف علاقوں میں وقفے وقفے سے کہیں تیز اور کہیں ہلکی بارش کا سلسلہ جاری ہے اور محکمہ موسمیات نے 14 اگست تک بارش کا سلسلہ جاری رہنے کی پیش گوئی کر رکھی ہے۔