10 اگست ، 2022
پنجاب حکومت کا تاجر برادری کو فوری ریلیف دیتے ہوئے کاروباری مراکز کے اوقات کار کی پابندی ختم کرنے کا فیصلہ، نوٹیفیکیشن جاری کر دیا گیا ۔
محکمہ لیبر نے پنجاب میں بازار رات 9 بجے بند کرنے سے متعلق نوٹیفیکیشن معطل کردیا۔
ذرائع کے مطابق وزیراعلٰی پنجاب نے کاروبار کے اوقات کار کی پابندی ختم کرتے ہوئے کاروباری مراکز اور دکانوں کیلئے رات 9 بجے کی بندش کی پابندی ختم کرنے کا فیصلہ کیا ہے۔
فیصلے کے مطابق کاروباری مراکز، مارکیٹیں اور دکانیں اتوار کو بھی کھلی رہیں گی، وزیرصنعت اسلم اقبال اورتاجر رہنما ناصر سلمان کی سربراہی میں کمیٹی قائم کر لی گئی ہے۔
ذرائع کے مطابق بنائی گئی کمیٹی تاجر برادری کے مسائل کے حل کیلئے سفارشات پیش کرے گی۔