کھیل
10 اگست ، 2022

پاکستانی باکسرز کے لاپتہ ہونے کا معاملہ، فیڈریشن نے برطانوی پولیس کو رپورٹ کردی

گمشدہ پاکستانی باکسرز سے متعلق برطانوی حکام کو الرٹ کر دیا گیا ہے، پاکستان اولمپک ایسوسی ایشن معاملے پر قونصلیٹ سے رابطے میں ہے: ذرائع—فوٹو: فائل
گمشدہ پاکستانی باکسرز سے متعلق برطانوی حکام کو الرٹ کر دیا گیا ہے، پاکستان اولمپک ایسوسی ایشن معاملے پر قونصلیٹ سے رابطے میں ہے: ذرائع—فوٹو: فائل

کامن ویلتھ گیمز میں شرکت کیلئے جانے والے پاکستانی باکسرز کے برمنگھم میں لاپتہ ہونے کے معاملے پر کامن ویلتھ گیمز فیڈریشن نے برطانوی پولیس کو باضابطہ رپورٹ کردی۔

ذرائع کے مطابق گمشدہ پاکستانی باکسرزسے متعلق برطانوی حکام کو الرٹ کر دیا گیا ہے، پاکستان اولمپک ایسوسی ایشن معاملے پر قونصلیٹ سے رابطے میں ہے۔

خیال رہے کہ یہ دو ماہ میں پاکستانی ایتھلیٹس کی بیرون ملک گمشدگی کا دوسرا واقعہ ہے۔ جون میں پاکستانی سوئمر فیضان اکبر ہنگری میں لاپتہ ہوگئے تھے۔

خیال رہے کہ کامن ویلتھ گیمز میں شرکت کیلئے انگلینڈ جانے والے 2 پاکستانی باکسر غائب ہوگئے ہیں۔

برمنگھم میں ہونے والے کامن ویلتھ گیمز میں شرکت کے لیےگئے پاکستان کے دو باکسر سلیمان بلوچ اور نذیراللہ انگلینڈ میں لاپتہ ہوگئےہیں۔

 ذرائع کے مطابق دونوں باکسرز کی ساتھیوں سے آخری ملاقات ہوٹل میں منگل کی صبح ناشتے پر ہوئی تھی ، دن بارہ بجے ائیرپورٹ روانگی کیلئے تمام پلیئرز کو اپنے کوچز کو رپورٹ کرنا تھا تاہم دونوں باکسرز نے کوچز کو رپورٹ نہیں کی۔

تاخیر پر دونوں کے کمروں کے دروازوں کو توڑا گیا تو وہاں سامان موجود تھا لیکن باکسرز غائب تھے، دونوں باکسرز کے سفری کاغذات فیڈریشن کے پاس ہی ہیں، جس پر پاکستان اولمپکس ایسوسی ایشن نے برطانوی حکومت سے رابطہ کیا ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM