11 اگست ، 2022
فٹنس کے شوق کی خاطر خطروں کو مول لینا آسان کام نہیں لیکن ایسے ہی لوگ نت نئے ریکارڈ قائم کرکے دنیا کو حیران بھی کر دیتے ہیں۔
گنیز بک آف ورلڈ ریکارڈز کے مطابق ڈچ یوٹیوبر اسٹین براؤنی نے اڑتے ہیلی کاپٹر سے لٹکتے ہوئے ایک منٹ میں 25 پل اپس لگا کر ایک نیا ریکارڈ قائم کر دیا۔
اسٹین براؤنی نے اپنے یوٹیوب پارٹنراور ایتھلیٹ ارجن ایلبرز کے ساتھ بیلجیئم کے شہر اینٹورپن کے ہووینن ائیر فیلڈ میں نیا ریکارڈ قائم کیا۔
میڈیا رپورٹس کے مطابق اسٹین براؤنی اور ان کے دوست ایتھلیٹ نے ہفتوں کی ٹریننگ کے بعد نیا ریکارڈ قائم کیا جس کی ویڈیو گنیز بک آف ورلڈ ریکارڈ کے سوشل میڈیا پر بھی شیئر کی گئی ہے۔
اسٹین براؤن کے نئے ریکارڈ سے قبل 23 پل اپس لگانے ریکارڈ قائم تھا جسے اسٹین سے قبل ان کے دوست ارجن ایلبرز نے 24 پل اپس لگا کر توڑا، بعد ازاں اسٹین نے 25 پل اپس لگاکر نیا ورلڈ ریکارڈ قائم کیا۔