12 اگست ، 2022 
پاکستان
فوٹو:فائل
لاہور :بھتہ نہ دینے پر نوجوان تاجر کو فائرنگ کر کے قتل کر دیا گیا
12 اگست ، 2022
لاہور میں اسلام پورہ کے علاقے ملت روڈ پر بھتہ نہ دینے پر نوجوان تاجر کو فائرنگ کر کے قتل کر دیا گیا۔
اسلام پورہ کے علاقے ملت روڈ پر 22سالہ تاجر عدیل کو موٹرسائیکل سواروں نے اندھا دھند فائرنگ کر کے قتل کیا اور فرار ہو گئے۔
مقتول عدیل کے بھائی عادل کے مطابق 6 مئی کو بھتہ خوروں کے خلاف تھانہ ساندہ میں مقدمہ درج کروایا ،اُس وقت انہوں نے گھر پر فائرنگ کی تھی ۔
پولیس کے مطابق مقتول کا بھائی بار بار بیانات تبدیل کر رہا ہے،شواہداکٹھے کر کے لاش پوسٹ مارٹم کے لیے اسپتال منتقل کر دی ہے۔
پولیس کا کہنا ہے کہ بھتے سمیت مختلف پہلوؤں پر تحقیقات کی جائیں گی جبکہ ملزمان کی گرفتاری کے لیے چھاپے مارے جا رہے ہیں۔
