اداکارہ کرن تعبیر کے ہاں 12 سال بعد پہلے بچے کی پیدائش

کرن تعبیر نے انسٹاگرام پوسٹ کے کیپشن میں لکھا وہ خوش قسمت ہوتے ہیں جن کی پہلی اولاد بیٹی ہوتی ہے، اللہ نے مجھے اسی سے نوازا ہے—فوٹو: انسٹاگرام
کرن تعبیر نے انسٹاگرام پوسٹ کے کیپشن میں لکھا 'وہ خوش قسمت ہوتے ہیں جن کی پہلی اولاد بیٹی ہوتی ہے، اللہ نے مجھے اسی سے نوازا ہے'—فوٹو: انسٹاگرام

پاکستانی اداکارہ و ماڈل کرن تعبیر کے گھر 12 سال بعد پہلے بچے کی پیدائش ہوئی ہے۔

اداکارہ نے انسٹاگرام پر گزشتہ روز یہ خوشخبری اپنے مداحوں کے ساتھ شیئر کی اور ساتھ ہی اپنی بیٹی کے ہمراہ اسپتال سے تصاویر بھی جاری کیں جو دیکھتے ہی دیکھتے وائرل ہوگئیں۔

کرن تعبیر نے انسٹاگرام پوسٹ کے کیپشن میں لکھا 'وہ خوش قسمت ہوتے ہیں جن کی پہلی اولاد بیٹی ہوتی ہے، اللہ نے مجھے اسی سے نوازا ہے'۔

اداکارہ نے شکر ادا کرتے ہوئے بتایا کہ 'الحمد اللہ، اللہ نے آخر کار ہمیں 12 سال بعد اس رحمت سے نواز دیا، اب ہم والدین بن چکے ہیں'۔

ساتھ ہی انہوں نے اپنی بیٹی کا نام بھی بتایا جو کہ 'ایزا حمزہ ملک' ہے۔

کرن تعبیر نے سوشل میڈیا صارفین سمیت تمام افراد سے دعا کی درخواست بھی کی ہے۔

اداکارہ کی پوسٹ پر شوبز سے منسلک کئی فنکاروں نے خوشی کا اظہار کیا اور ان کے لیے نیک خواہشات کا اظہار کیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM