دنیا
Time 15 اگست ، 2022

افغانستان میں بارشوں سے تباہی، درجنوں افراد ہلاک، شہریوں کی ریلے میں بہنے کی ویڈیو وائرل

افغانستان میں ہونے والی حالیہ شدید بارشوں نے بڑے پیمانے پر تباہی مچائی ہے اور  مختلف حادثات میں 50 کے قریب افراد کی ہلاکت کی اطلاعات ہیں۔

افغان میڈیا کے مطابق پروان میں ہونے والی شدید بارشوں کے باعث ہلاک افراد کی تعداد 32 ہو گئی ہے جبکہ لوگر کے علاقے پلِ عالم میں بھی 10 سے زائد افراد ہلاک اور متعدد زخمی ہوئے ہیں۔

میڈیا رپورٹس کے مطابق مختلف حادثات میں 150 سے زائد افراد زخمی اور ہزاروں افراد بے گھر ہو گئے ہیں، ہزاروں ایکڑ پر کھڑی فصلیں سیلابی پانی میں بہہ گئی ہیں اور بڑی تعداد میں لوگوں کے مویشی بھی ہلاک ہو گئے تھے۔ اس کے علاوہ سینکڑوں کچے مکانات بھی منہدم ہو گئے ہیں۔

افغانستان میں حالیہ بارشوں کے باعث مواصلات کا نظام درہم برہم ہوگیا ہے اور کئی رابطہ سڑکیں بھی سیلابی پانی کی نذر ہو گئی ہیں جس کے باعث شہریوں کو شدید مشکلات کا سامنا ہے۔

مزید خبریں :