بھارتی بزنس ٹائیکون مکیش امبانی اور خاندان کو دھمکیاں دینے والا شخص گرفتار

بھارت کے ارب پتی تاجر مکیش امبانی اور ان کے خاندان کو دھمکیاں دینے والے شخص کو گرفتار کرلیا گیا۔

بھارتی میڈیا کے مطابق گرفتار شخص کا نام  افضل ہے جس نے ممبئی میں ریلائنس فاؤنڈیشن اسپتال میں لینڈ لائن نمبر پر کئی فون کالز کیں اور مکیش امبانی اور ان کے خاندان کو دھمکیاں دیں۔

رپورٹس کے مطابق گرفتاری اس وقت عمل میں آئی جب  پولیس نے  ملزم کی جانب سے کی گئی فون کالز کا نمبر ٹریس کیا۔

بھارتی ارب پتی مکیش امبانی کو 2.5 ارب ڈالر کا نقصان

اس نقصان کے بعد اب ارب پتی مکیش امبانی کی کل دولت 69 ارب ڈالرز بنتی ہے

بھارتی پولیس کا کہنا ہے کہ ملزم کو حراست میں لینے کے بعد اس کے خلاف مقدمہ درج کرلیا گیا جبکہ ابتدائی تفتیش سے معلوم ہوا کہ ملزم کا ذہنی توازن ٹھیک نہیں ہے۔

واضح رہے کہ جولائی میں بھارتی سپریم کورٹ نے حکم جاری کرتے ہوئے کہا  تھا کہ مکیش امبانی اور ان کا خاندان بھارتی حکومت کی جانب سے دی گئی سکیورٹی کا استعمال جاری رکھے۔