17 اگست ، 2022 
پاکستان
ویڈیو: ناران میں سیاح سیلابی ریلے کو دیکھ کر بھاگ کھڑے ہوئے
17 اگست ، 2022
ملک بھر میں ان دنوں مون سون سیزن کے تحت شدید بارشیں برس رہی ہیں جس کے باعث پہاڑی علاقوں میں لینڈ سلائیڈنگ اور سیلابی صورتحال ہے۔
ایسے میں سوشل میڈیا پر ناران سے ایک ویڈیو سامنے آئی جسے دیکھنے والے خوفزدہ ہوگئے۔
ویڈیو میں دیکھا جاسکتا ہےکہ ناران میں پانی کے کنارے بیٹھے سیاح موسم سے لطف اندوز ہوتے ہوئے پکنک منارہے ہیں لیکن اسی دوران اچانک تباہی مچاتا ایک سیلابی ریلہ آیا جس نے سیاحوں کی دوڑیں لگوادیں۔
علاقے میں موجود تمام افراد سیلابی ریلے سےخوفزدہ ہوکر اپنی جگہ چھوڑ کر بھاگ نکلے جس کے بعد ریلے نے پکنک پوائنٹ پر تباہی مچائی اور فوڈ اسٹریٹ کو بھی بہا لے گیا۔
