شہباز گل کے ڈرائیور کے اہل خانہ پر مقدمات واپس لینے کی سفارش

اسلام آباد: سینیٹ کی قائمہ کمیٹی برائے انسانی حقوق کا اجلاس ہوا جس میں شہباز گل کے ڈرائیور کے اہل خانہ پر مقدمات واپس لینے کی سفارش کردی گئی۔

قائمہ کمیٹی برائے انسانی حقوق نے چادر اور چار دیواری کا تقدس پامال کرنے کی مذمت بھی کی۔

ایمرجنسی پیدا کرکے گِل کو پنڈی کے کسی سرکاری اسپتال بھیج دیں، عمران کی حکام کو ہدایت

عمران خان کو بتایا گیا کہ یہ غیرقانونی ہے اور ایسا نہیں کیا جاسکتا، اس پر انہوں نے اصرار کیا کہ نتائج کچھ بھی ہو ایسا کیا جائے: ذرائع

اجلاس میں شریک آئی جی اسلام آباد نے قائمہ کمیٹی سے استدعا کی کہ وہ اس معاملے پر ہدایات جاری نہ کرے، معاملہ عدالت میں زیر سماعت ہے سب کو  وہیں جواب دینے دیں۔

تاہم قائمہ کمیٹی برائے انسانی حقوق نے متفقہ طور پر آئی جی کی استدعا مسترد کردی۔

کمیٹی کے رکن مشاہد حسین سید نے کہا کہ اگر تحریک طالبان کو  ایمنسٹی دی جاسکتی ہے تو اس بچی کو کیوں نہیں؟