ملک کے معروف کارٹونسٹ ارشاد حیدر زیدی انتقال کرگئے

جیو نیوز کے ناظرین کے ہونٹوں پر اپنے شرارتی کارٹونوں سے مسکراہٹیں بکھیرنے والے ملک کے معروف کارٹونسٹ ارشاد حیدر  زیدی انتقال کرگئے، وہ زیدی کارٹونسٹ کے نام سے معروف تھے۔

 ارشاد حیدر زیدی نے اپنے پسماندگان میں اہلیہ، ایک بیٹی اور چار بیٹے سوگوار چھوڑے ہیں۔

 ارشاد حیدر زیدی نے اپنے کیریئر کا آغاز سن 1950 کی دہائی میں فیض احمد فیض کے ساتھ اخبار پاکستان ٹائمز سے کیا تھا۔

 زیدی کارٹونسٹ نے جیو کے لیے اینی میٹڈ کارٹون بنائے، ان کے بنائے ہوئے کردار اُول اور جلُول بہت مشہور ہوئے۔

 ان کے منتخب کارٹونوں پر مبنی ایک کتاب "زیدی کے کارٹون" کے نام سے جیو اور جنگ گروپ نے شائع بھی کی ہے۔